MESSÀGIU DE S’ASSEMBLEA DE IS GIÒVUNUS DE DEBA A SA GIUVENTUDI DE EUSKAL HERRIA: DE SU DONBASS NO ANT A PASSAI!

Saludus,

Oi, sa Debako Gazte Asanblada (Assemblea de sa Giuventudi de Deba) s’atòbiat, po càusa de is acontèssius chi ddoi funt stètius in su Donbass, po trasmiti su messàgiu nostu a sa giuventudi de Euskal Herria.

Comenti scieis, unus cantu mesis a oi sa pratza Maidan de Kiev est stètia ocupada de genti chi protestàt contras a su governu. Custas protestas ant crariu chi sa sociedadi ucraniana fiat divìdia, e oindì ddu est ancora. In custas protestas is fortzas de dereta e fascistas ant tentu unu protagonismu mannu aintru de is manifestantis. Custas fortzas ant atacau a calichisiat movimentu de manca e ant fatu arrui su governu po mèdiu de unu colpu de stadu. Su governu nou est stètiu formau de fortzas ultra-natzionalistas ucranianas, cun s’apògiu de is neonazis. Duncas est craru ca su fascismu tenit una presèntzia reali in s’Europa de oi. Unu craru esèmpiu est s’atacu de su “Pravy Sektor” de is neonazis ucranianus a una domu sindicali de Odessa aundi funt mortus prus o mancu 50 personas.

Ananti de custu, sa sociedadi de su Donbass at cumintzau a si mobilizai faendi fronti contras a sa fortzas fascistas e neonazis de su territòriu e creendi duas repùblicas popularis: is Repùblicas popularis de Donetsk e Lugansk. Macai is mass mèdias si bolint fai crei a unu cunflitu entru de ucranianus e prorrussus, e a bortas fintzas entru de democràticus ucranianus e separatistas terroristas russus, nosu teneus craru ca s’agataus ananti de una gherra civili aundi su pòpulu traballadori de su Donbass s’est pesau in defensa de is deretus suus e contras a su fascismu, e tambeni a favori de su deretu a decidi e a cambiai su modellu sociali.

In custu momentu su governu ucranianu sighit a bombardai is tzitadis de su Donbass. S’informatzioni est cunfusionada, perou su chi est craru est ca ddoi funt milliajas de vìtimas civilis e prus de 730’000 arrefugiaus in Rùssia.

Antis de custu genocìdiu, s’Assemblea de sa Giuventudi de Deba, in collaboratzioni cun su Comité Euskal Herria-Donbas, bolit denunciai publicamenti sa situatzioni chi funt sufrendi in is repùblicas popularis.

Comenti arrespusta a custa situatzioni, su grupu italianu Banda Bassotti (de sa matessi manera chi iat fatu in Nicaragua, El Salvador e Palestina), at organizau una caravana antifascista po sa fini de su mesi de cabudanni, in sa cali ant a portai no sceti mùsica ma fintzas agiudu umanitàriu i econòmicu a is campus de is arrefugiaus. Impari a issus ant a partiri tambeni vàrias personas de Euskal Herria in sa Brigada Basca chi s’est costituia. In prus, ddoi est unu contu currenti aundi, is chi ddu bolint, podint donai unu cuntributu econòmicu.

Duncas, s’Assemblea de sa Giuventudi de Deba, sigomenti tenit unu caràteri internatzionalista, solidarizat cun sa caravana antifascista, e cumbidaus a totus is Centrus e is Assembleas de giòvunus de Euskal Herria a aderiri a sa caravana e a esprimi sa solidaridadi insoru cun su Donbass.

Unu imprassu forti de Euskal Herria a su Donbass.

No ant a passai! Ez dira pasako! NO PASARÁN!

deba-prentsa

deba-prentsa2

Deja un comentario

Tu dirección de correo electrónico no será publicada. Los campos obligatorios están marcados con *